لوحة إدارية تنظم فيها مصروفك في بداية كل شهر. بحيث توصل لرؤية واضحة للمصروفات في الشهر ودليل تقدر ترجع له.

منصة تتيح لك التحكم في مصروفاتك وتنظيم دخلك بشكل أبسط. المطلوب منك في بداية كل شهر إنك تدخل دخلك الشهري، وبعدها تحدد الفئات أو الأشياء اللي عادةً تصرف عليها.

بعد كذا، تبدأ تدخل مصروفاتك بشكل بسيط، بحيث تدخل القيمة وتختار الفئة التابعة لها. وأيضًا يكون عندك إمكانية تحديد هدف، وكل ما تدخل مصروفاتك وبياناتك، يتحدث معك الهدف وتزيد نسبة الإنجاز بشكل تلقائي.

وبعد كل هذا، راح يكون عندك Dashboard كاملة توضح لك وضعك المالي، وتبين لك وين راحت مصاريفك، كم صرفت، كم باقي لك، وكيف وضعك مع الهدف اللي حددته.

صممته بناءً على مشكلة كنت أواجهها شخصيًا، وحاولت أخلي الحل بسيط وسهل في الاستخدام.

الواجهة تعمل بلغتين: العربية والإنجليزية، والمبالغ تظهر بالريال السعودي في جميع الشاشات. كذلك فيه Dark Mode وLight Mode، بالإضافة إلى العديد من المزايا والتفاصيل اللي تقدر تكتشفها بنفسك وأنت تجرب المنصة.